პოროშენკოს შვიდი პრობლემა

მსოფლიო - 17:25, 20 Sep, 2014

1797

უკრაინული საინფორმაციო პორტალის "Цензор.НЕТ"-ის მთავარი რედაქტორი იური ბუტუსოვი თავის ანალიტიკურ სტატიაში იმ პრობლემებზე საუბრობს, რომელიც უკრაინის პრეზიდენტ პეტრე პოროშენკოს წინაშე დგას და რომელთა მოგვარებაც აღმოსავლეთ უკრაინიაში მის წარმატებას უზრუნველყოფს. ჟურნალისტი იმ ფაქტსაც აღნიშნავს, რომ ხელისუფლებაში ყოფნის მცირე ვადაში პოროშენკო ყველა ამ პრობლემას ვერ აღმოფხვრიდა.
მოკლედ შემოგთავაზებთ ჟურნალისტის პოზიციას, რომელიც 7 მტავარ პრობლემას გამოყოფს:

1. შეცდომები უკრაინის სტრატეგიული მდგომარეობის განსაზღვრასა და პრიორიტეტული ამოცანების დასახვისას. პოროშენკომ მიზნად დონბასში მშვიდობის მიღწევა დაისახა და ნაკლები ყურადღება დაუთმო სამხედრო ასპექტს.
2. არ არსებობს უმაღლესი მთავარსარდლის შტაბი, სამართავი სტრუქტურა და სამხედრო დოქტრინა, რომელიც თანამედროვე სტანდარტებს შეესაბამებოდა.

3. არ არსებობს ერთიანი სადაზვერვო სისტემა, რომელიც შეაგროვებდა, გაანალიზებდა და დაამუშავებდა საჭირო ინფორმაციას, მისცემდა პრეზიდენტს დასკვნებს, ოპერატიული გადაწყვეტილებების მისაღებად.

4. არავინაა ოპერატიული გადაწყვეტილებების დაგეგმვასა და მიღებაზე პასუხისმგებელი. შეიძლება ესა თუ ის შეცდომა გაანალიზო, შეაფასო და გაამართლო, მაგრამ აუცილებელია ამ ყველაფერზე ვიღაცამ აგოს პასუხი.

5. ტყუილი. პრეზიდენტს ხშირად არასწორ ინფორმაციას აწვდიან, მაგალითად, საურ-მაგილას სიმაღლის აღების თაობაზე მას 28 ივლისს მოახსენეს, არადა რეალურად სიმაღლე 3 აგვისტოს იქნა დაკავებული.

6. ყველაზე მტკივნეული საკითხი - სად არის მომარაგება, სად არის ლოგისტიკა? არის მოარული ხმები, რომ სწორედ უკრაინის არმიის ამ სტრუქტურებშია გამეფებული კორუფცია.
7. საჯარისო ნაწილების კომპლექტაცია და მობილიზაცია. უკრაინას ყავს 104 ათასი მობილიზებული, 120 ათასი სიითი რეზერვისტი თავდაცვის სამინისტროში, 240 შსს-ში და 35 ათასი - უშიშროებაში, ხოლო ანტიტერორისტულ ოპერაციის ზონაში განთავსებულია სულ 40 ათასი ადამიანი და ამასთან ზურგი თითქმის ცარიელია.
"დაიწეთ არმიასთან საუბარი, პეტრე ალექსანდრეს ძევ, საუბარი იმათთან, ვინც გამოამჟღავნა ღირსება, ვაჟკაცობა და ნიჭი, გააგდეთ ისინი ვინც ცრუობდა, გაყარეთ უსარგებლო ადამიანები - ნათესაობითა და ბიუროკრატიიით ომს ვერ მოიგებთ.
აქციეთ ეს ომი სახალხო ომად და სახალხო ომს უკრაინა აუცილებლად მოიგებს," - წერს დასარულს იური ბუტუსოვი.