ფინანსთა სამინისტროს საგამოძიებო სამსახურმა, ბრალდებულის სახით, სისხლის სამართლის პასუხისგებაში სამი მოქალაქე მისცა.

სამსახურის ინფორმაციით, გამოძიებამ დაადგინა, რომ ბრალდებულებმა საბაჟო გადასახადისთვის დაწესებული 5-დღიანი საშეღავათო პერიოდის ბოროტად გამოყენება განიზრახეს, დაარეგისტრირეს 6 სხვადასხვა კომპანია და საქართველოში შემოიტანეს 1 200 000 ლარის ღირებულების პემზა, ცემენტი, სასუქი და სხვა პროდუქცია.

პროდუქციის განბაჟების შემდეგ კი მათ თავი აარიდეს გადასახადებს, რითაც სახელმწიფო ბიუჯეტს განსაკუთრებით დიდი ოდენობის ზიანი მიადგა.