დიმიტრი მედვედევმა უკრაინულ პროდუქციაზე საბაჟო გადასახადის შემოღების განკარგულებას მოაწერა ხელი. ამის შესახებ განცხადება რუსეთის პრემიერ მინისტრმა სოჭში გამართულ საერთაშორისო საინვესტიციო ფორუმზე გააკეთა.

მედვედევის თქმით, ხელმოწერილი განკარგულება ამოქმედდება იმ შემთხვევაში, თუ უკრაინა ევროკავშირთან ასოცირების შეთანხმების ეკონომიკური მუხლების გამოყენებას დაიწყებს.

"ჩვენ ყველა ამ ნაბიჯს მხოლოდ და მხოლოდ ჩვენი მეწარმეების არაკეთილსინდისიერი კონკურენციისგან დასაცავად ვდგამთ", - აღნიშნა მედვედევმა.

უკრაინა და ევროკავშირი 12 სექტემბერს შეთანხმდნენ, რომ 2015 წლის 31 დეკემბრამდე გადადონ თავისუფალი სავაჭრო ზონის შექმნა.