ჟურნალისტი ნანუკა ჟორჟოლიანი აცხადებს, რომ მისთვის წინასწარ იყო ცნობილი ნოშიკო ნამორაძის მიმართ მოსამართლის მიერ გამოტანილი გადაწყვეტილება.

ჟორჟოლიანი ამბობს, რომ აღნიშნული გადაწყვეტილება რამდენიმე თვის წინ ჭიკაიძის უწყებაში მიიღეს.

„ჩვენ ეს ვიცოდით, რომ ნოშრევან ნამორაძე 3 თვის ვადაში გამოვიდოდა, პოლიციის ერთ-ერთმა მაღალჩინოსანმა ირაკლის მიაწოდა ინფორმაცია და უთხრა, რომ ნოშიკოს „მოგვარებული“ აქვს და მაქსიმუმ 6 თვე იქნება მისი სასჯელი ამ ქმედებებისთვის და ამიტომაც აიყვანა ადვოკატი, პრემიერ-მინისტრის სიმამრთან, თამაზაშვილთან დაახლოებული ქალბატონი. თუმცა, ასევე მეორე ნაწილი ამბობდა რომ ნოშიკო ნამორაძე „გადააგდეს“ და მოუწევდა რეალურად, კანონის შესაბამისად პასუხის აღება ამ ყველაფერზე. ნუ დავინახეთ რაც მოხდა“,- განაცხადა ნანუკა ჟორჟოლიანმა.

შეგახსენებთ, რომ ბიზნესმენ დავით კოდუას ცემის ფატზე დაკავებული ნოშრევან ნამორაძე გირაოს სანაცვლოდ დღეს გაათავისუფლეს.

სასამართლომ დააკამაყოფილა ადვოკატის მოთხოვნა და აღკვეთი ღონისძიება, პატიმრობა ბრალდებულს, არასაპატიმრო ღონისძიებით შეუცვალა. ნამორაძე სასამართლო დარბაზიდან 50 000 ლარის გირაოს სანაცვლოდ გაათავისუფლეს.