უკრაინის პრეზიდენტი ოფიციალური ვიზიტით ამერიკის შეერთებულ შტატებში იმყოფება, 18 სექტემბერს იგეგმება მისი შეხვედრები ამერიკის პრეზიდენტ ბარაკ ობამასთან, ვიცე-პრეზიდენტ ჯო ბაიდენთან და სახელმწიფო დეპარტამენტის ხელმძღვანელთან ჯონ კერისთან.

უკრაინის სახელმწიფოს მეთაური ასევე მოხსენებით გამოვა სენატის და კონგრესის წარმომადგენლობითი პალატის გაერთიანებულ სხდომაზე. დაგეგმილია მისი ინტერვიუ CNN-თან და გამოსვლა ატლანტიკურ საბჭოში.

უფრო ადრე, ბარაკ ობამამ უკრაინის პრეზიდენტის ამერიკაში ვიზიტს პუტინის მიმართ „გზავნილი“ უწოდა, მისი თქმით უკრაინის პრეზიდენტის ყოფნა თეთრი სახლის ოვალურ კაბინეტში უფრო ბევრის მთქმელია პუტინისთვის, ვიდრე რუსულ და ინგლისურ ენაზე ნათქვამი ათასობით სიტყვა.