დავით უსუფაშვილი: პარლამენტის წევრს აქვს უფლება,არ მისცეს ჩვენება

სამართალი - 13:52, 26 Dec, 2012

686

ის დაეთანხმა გოკა გაბაშვილს იმასთან დაკავშირებით, რომ პარლამენტის წევრი ვერავითარ შემთხვევაში ვერ შეძლებს თავისი ფუნქციების განხორციელებას, თუ მას არ ექნება ეს პრივილეგია და მისი, როგორც პარლამენტის წევრის საქმიანობა, არ იქნება დაცული.

,,მე შეგახსენებთ, რომ საქართველოს კონსტიტუციის 54-ე მუხლის შესაბამისად პარლამენტის წევრს უფლება აქვს ჩვენება არ მისცეს, იმ ფაქტის გამო, რომელიც მას გაანდეს, როგორც პარლამენტის წევრს, დაუშვებელია ამ საკითხთან დაკავშირებული წერილობითი მასალის დაყადაღება. ეს უფლება პარლამენტარს უნარჩუნდება მისი უფლებამოსილების შეწყვეტის შემდეგაც. მინდა, მოგახსენოთ, რომ როცა გავრცელდა ინფორმაცია პარლამენტის ყოფილი წევრების დაკითხვაზე დაბარებასთან დაკავშირებით, მე ვესაუბრე სამართალდამცველი ორგანოების ხელმძღვანელს და მათ ეს კონკრეტული მუხლი და ნორმა კარგად აქვთ გააზრებული და მითხრეს, რომ აქ არ იქნება არანაირი გადამეტება უფლებამოსილების და პარლამენტის წევრს, რომელსაც არ სურს, ჩვენება მისცეს, რაც მის საპარლამენტო საქმიანობასთან იქნება დაკავშირებული, ეს უფლება იქნება უზრუნველყოფილი და დაცული. მე სრულად ვეთანხმები გოკა გაბაშვილს, რომ პარლამენტის წევრი ვერავითარ შემთხვევაში ვერ შეძლებს თავისი ფუნქციების განხორციელებას, თუ მას არ ექნება ეს პრივილეგია და მისი როგორც პარლამენტის წევრის საქმიანობა, არ იქნება დაცული ამ ნორმით", - განაცხადა უსუფაშვილმა.