შსს-ს საზოგადოებასთან ურთიერთობის სამსახურის უფროსი ნინო გიორგობიანი დეპუტატ გივი თარგამაძის განცხადებას ეხმაურება.

„ერთ-ერთმა დეპუტატმა განაცხადა, რომ კანონიერი ქურდი - ზედმეტსახელად „ცანციკა“ ანუ ფრიდონ ბარკალაია სენაკში იმყოფება და მოგვიწოდა, რომ დავაკავოთ. მინდა განვმარტო, რომ აღნიშნული პირი არ არის კანონიერი ქურდი. ის 77 წლისაა და მთელი ცხოვრება სენაკში ცხოვრობს. რატომ შეჰყავს შეცდომაში დეპუტატს მოსახლეობა პარლამენტის ტრიბუნიდან?!“, - წერს „ფეისბუქზე“ გიორგობიანი.

უმცირესობის წევრმა გივი თარგამაძემ შინაგან საქმეთა სამინისტროს მიმართა, დააკავოს ე.წ. კანონიერი ქურდი - ფრიდონ ბარკალაია მეტსახელად "ცანციკა", რომელიც თარგამაძის ინფორმაციით, ახლა სენაკში იმყოფება.