კიწმარიშვილის ავტომანქანას განმეორებითი ექსპერტიზა უტარდება

კიწმარიშვილის ავტომანქანას განმეორებითი ექსპერტიზა უტარდება - დეტალები არ ხმაურდება

სამართალი - 20:10, 16 Sep, 2014

2225

ეროსი კიწმარიშვილის საქმეზე კიდევ ერთი ექსპერტიზა ჩატარდა, სპეციალისტებმა გარდაცვლილის ავტომანქანის უკანა სავარძელი დაათვალიერეს. განმეორებითი ექსპერტიზის გარდა, პროკურატურამ ეროსი კიწმარიშვილის ოჯახის წევრები განმეორებით დაკითხა.ჯერჯერობით საქმეზე მიმდინარე გამოძიების დეტალები არ ხმაურდება.

ზურა კიწმარიშვილის განცხადებით დარჩენილია კიდევ ორი ექსპერტიზა. ერთი ექსპერტიზის მიხედვით, რომელიც ამ კვირაში ჩატარდება, უნდა მოხდეს ტყვიის ტრაექტორიის დადგენა, კონკრეტულად რა მიმართულებით მოხდა გასროლა, იყო მანქანაში თუ მანქანის გარეთ. რაც შეეხება მეორე ექსპერიზას, ეს იქნება კვირის ბოლოს, რომელიც უხილავ საგნებზე კეთდება. კიწმარიშვილის განცხადებით, ამ კვირაში სრულად დასრულდება ექსპერტიზა. დღე ჩატარდა ეროსი კიწმარიშვილის მანქანის უკანა სავარძლის ექსპერიზა, სადაც ყავისფერი ლაქები იქნეა აღმოჩენილი. ზურა კიწმარიშვილის განცხადებით, ეს იქნება მნიშვნელოვანი დასკვნა, რომლითაც ბევრ კითხვას გაეცემა პასუხი. ,,მოხდა ექსპერტიზა უკანა სავარძელზე იმისთვის, რომ დადგინდეს არის თუ არა ეს სისხლის ლაქები. ეს ინფორმაცია უნდა არსებობდეს ნებსმიერი ვერსიის გასამყარებლად და ეს უნდა იყოს ერთგავრი გასაღები ყველა ვერსიისთვის“, - აცხადებს ზურა კიწმარიშვილი.

კიწმარიშვილის თქმით, გამოძიება ჯერ-ჯერობით მას არ აწვდის დეტალურ ინფორმაციას. კიწმარიშვილმა ისიც განაცხდა, რომ მოხდა ეროსი კიწმარიშვილის უახლოესი მეგობრების, მისი გარემოცვის წევრების დაკითხვა, თუმცა მათი ვინაობა არ დაუსახელებია.

,,შესაძლოა იქ რაიმე მიზეზები გამოიკვეთა, რომელთა დაკავშირებითაც საჭირო გახდა ამ ადამიანების ხელმერედ დაკითხვა“, - აცხადებს გარდაცვლილის ძმა.

დღევანდელ ექსპერტიზას ესწრებოდნენ დამოუკიდებელი ექსპერტები ზაზა ალთუნიშვილი და მაია ნიკოლაიშვილი, ისინი აცხადებენ, რომ სხვა ექსპერტიზებთან დაკავშირებით მათ ინფორმაცია არ აქვთ, რადგან გამოძიება არ აძლევს იმის საშუალებას, რომ ექსპერტიზის დასკვენებს გაეცნონ.

შეგახსნებთ, რომ ამ დროისთვის ეროსი კიწმარიშვილის გარდაცვალებაზე სისხლის სამართლის საქმე 115-ე მუხლით არის აღძრული, რაც თვითმკვლელობამდე მიყვანას გულისხმობს.