რუსეთის სახელმწიფო დუმის განათლების და მაღალი ტექნოლოგიების კომიტეტის თავმჯდომარის მოადგილე მიხაილ დეგტიარევმა ახალი ინიციატივა წარმოადგინა, მისი განცხადებით საჭიროა კრემლს თავისი ძველი ფერი დაუბრუნდეს:

„2017 წელს სრულდება 650 წელი კრემლის კედლის და კოშკების მშენებლობის დაწყებიდან, ამ თარიღთან დაკავშირებით დავუბრუნოთ კრემლს თავისი თეთრი ფერი, კრემლის თეთრ ფერში ხელმეორედ დაბადება იქნება სიმბოლო, ერთიანი ევრაზიული სივრცის აღორძინებისა, როგორც ადრე თეთრქვებიანი კრემლის მშენებლობა გახდა სიმბოლო სამთავროებად დანაწევრებული რუსეთის გაერთიანებისა და მისი სამხრეთით და აღმოსავლეთით განვრცობისა.“ აღნიშნავს დეგტიარევი წერილში, რომელიც მან დუმის კანცელარიაში დაარეგისტრირა.

„თეთრი კრემლის სახე, როგორც ადრე ახლაც ჩვენი მოქალაქეების და მმართველების მაღალი მორალური პრიორიტეტების სიმბოლო იქნება, საპირისპიროდ დასავლური ცივილიზაციის დაცემული მორალისა“- აცხადებს დეპუტატი .

მიხაილ დეგტიარევი რუსეთის ლიბერალ-დემოკრატიული პარტიის წევრია, კრემლის გათეთრების ინიციატივის გარდა, მან ცოტა ხნის წინ რუსეთის დროშაზე ფერების შეცვლის ინიციატივაც წამოაყენა, დეგტიარევის აზრით რუსეთმა იმპერიის დროინდელი დროშა უნდა დაიბრუნოს.