ბარბარე რაფალიანცის ოჯახის წევრები ადვოკატ ლალი ბიწოშვილთან შეხვედრის დეტალებს იხსენებენ.

გარდაცვლილი ჩვილის ნათესავების განცხადებით, არც ლალი ბიწოშვილი და არც "ქართული ოცნების“ სახელით ჩასული ადვოკატი, ვარლამ ხათრიძე, რომელიც ამ დროისთვის შინაგან საქმეთა სამინსიტროს გენერალურ ინსპექციაში მუშაობს, მათ არ დაუქირავებიათ.

ჩვილის ბებია ამბობს, რომ ეს ადამიანები მათთან ჩავიდნენ და დაცვა სრულოად უსაასყიდლოდ, ქართული ოცნების სახელით შესთავაზეს.

როგორც, რაფალიანცის ბებია, თინა მექერიშვილი აცხადებს, ადვოკატი ბიწოშვილი, რომეიც ოჯახის დიდი ნდობით სარგებლობდა მათ არწმუნებდა, რომ გარკვეული პერიოდი აქტიურობა უნდა შეეწყვიტათ და მოქმედებები თვითმმართველობის არჩევნების შემდეგ დაეწყოთ.

„ქალბატონ ლალის შევხვდით მერის არჩევნები რომ იყო, მაშინ იყო ეგ ლაპარაკი, რომ იქნებ „ნაციონალებმა“ არა და „ოცნებამ“ გააკეთაო, მაგრამ დანამდვილებით და დაზუსტებით თქმა, რომ ამან გააკეთა, იმან გააკეთა, იმამ დაუკევთა, ამან დაუკვეთა - არ ყოფილა, „ნაციონალებიც“ და „ოცნებაც“ ახლა ჩვენი მტერი არისო ესე მითხრა, როგორ დავმალო?ეს საუბარი იყო“,- აცხადებს ჩვილის ბებია, თინა მექერიშვილი.

„ეს იყო „ოცნების“ სახით შემოსული ლალი და გვაჩერებდა იმით რომ „ოცნებას“ შეიძლება არ გაუკეთებია. ოჯახთან ახლობლობდა, ესე ტკბილი სიტყვით გვაჩერებდნენ. ესე გამოდის „ზნაჩიტ“ ამათი გაკეთებულია, მე ამ ვერსიას „მივაწვები“, სხვა რაღა ვთქვა, დავიღალე, ორი წელია არ იძიებენ“,- განაცხადა „რუსთავი 2“-თან საუბარში ჩვილის ბაბუამ ილია მექერიშვილმა.