უკრაინის უმაღლესი რადასთან რამდენიმე ათეული ადამიანი ხელისუფლების ლუსტრაციის მოთხოვნით აქციას ატარებს. მომიტინგეებს ხელში პლაკატები უჭირავთ „ ლუსტრაცია ან კასტრაცია“, „მოწყენილი ციხის საწოლები ელოდებიან დამნაშავეებს“ და ა.შ.

რადას დეპუტატის ლეონიდ ემეცის ინფორმაცით, ლუსტრაციის კანონის განხილვა დღის მეორე ნახევარში იგეგმება.

კანონპროექტის ავტორების თვალსაზრისით, ლუსტრაცია შეეხება იმ პირებს, რომლებიც ჩართულნი იყვნენ კორუფციაში, არასამართლებრივ გადაწყვეტილებების მიღებაში, ძალაუფლების ბოროტად გამოყენებაში და ძალოვანი სტრუქტურების მიერ განხორციელებულ ტერორში.