მას შემდეგ, რაც დასავლეთმა მოსკოვს უკრაინაში მისი მოქმედების გამო მორიგი სანქციები დაუწესა, რუსული რუბლის კურსი დოლართან მიმართებაში სარეკორდო მაჩვენებელზე დაეცა.

15 სექტემბერს მოსკოვში საფინანსო ბირჟების გახსნის შემდეგ 1 დოლარის საფასურად 38,04 რუბლი დაფიქსირდა . პირველად ხდება, რომ ერთი დოლარი 38 რუბლზე მეტი ღირს. გაძვირდა ევროც - ის 49,25 რუბლი ღირს.

აშშ-მა და ევროკავშირმა ახალი სანქციები რუსეთს 12 სექტემბერს დაუწესეს, რომლებიც ბანკების, ენერგეტიკის და თავდაცვის სფეროს მსხვილი კომპანიების წინააღმდეგაა მიმართული.