როგორ ჩავაციოთ ლუდი, როცა მაცივარი არ გვაქვს

ეს საინტერესოა - 16:45, 14 Sep, 2014

4280

ცივი ლუდი განსაკუთრებით სასიამოვნო დასალევია, როდესაც ზღვაზე, ტყეში ან მთაში მოგზაურობთ. თუმცა, ხშირად არ გვაქვს იმის საშუალება, რომ ლუდი მაცივარში ჩავაციოთ. გთავაზობთ ოთხ მეთოდს, რომელიც მოგზაურებს გამოადგებათ სასურველი სასმელი ცივად მიირთვან.

ქარის მეთოდი

ყველაზე ეფექტური და კარგი მეთოდია. ლუდის ბოთლს ახვევთ ნაჭერში, რომელიც კარგად უნდა დაასველოთ და დგამთ ქარიან ადგილას. უკეთესია თუ შეგიძლიათ სადმე ცამოკიდოთ - მაშინ ჰაერის ნაკადი ბოთლს სრულად შეეხება. 20-30 წუთი და ლუდი ცივია. ნაჭრის მაგივრად გაზეთის ან თხელი ქაღალდის გამოყენებაც შეგიძლიათ.

მიწის მეთოდი

თუ სხვა მეთოდების გამოყენება არ შეგიძლიათ, ლუდი შეგიძლიათ მიწაში ჩამარხოთ. რაც ღრმა ინება ორმო უკეთესია, ამასთან ორმო ჩრდილში უნდა ამოთხაროთ. სასურველია, თუ ამოთხრილი ორმოს კედლებს წყლით დაასველებთ. ეს მ,ეთოდი საკმაოდ ხანგრძლივია და გირჩევთ მოთმინებით აღიჭურვოთ.

მდინარის დინების მეთოდი

თუ მდინარის პირას ხართ ან ნავით სეირნობთ, ლუდი შეგიძლიათ წყლის დინების საშუალებით ჩააციოთ.

ნავს ლუდის ბოთლი მყარად მიამაგრეთ და მშვენიერ შედეგს მიიღებთ, თუმცა არ დაგავიწყდეთ, მდინარეს ხანდახაბ ქვებიც მოაქვს და სწრაფ დინებას ნუ ენდობით.

თუ ნავი არ გაქვთ, მდინარის ნაპირთან მოაწყვეთ ერთგვარი ჯებირი, რათა წყალმა ბოთლები არ წაიღოს და 15-20 წუთში ცივ ლუდის მიირთმევთ.

ყინულის მეთოდი

თუ ზამთრის პირია, ან მაღალ მთაში ხართ, შეგიძლიათ თოვლი ან ყინული გამოიყენოთ. ამასთან გირჩევთ რომ ყინულთან ერთად წყალიც იხმაროთ, ცივ-ცივი წყალი უფრო დწრაფად გააციებს ლუდს, ვიდრე მარტო ყინული ან თოვლი.