“ისლამური სახელმწიფოს” მებრძოლებმა სიკვდილით კიდევ ერთი ადამიანი დასაჯეს. ინფორმაციას ამის შესახებ ,,BBC" ავრცელებს.

44 წლის ბრიტანელი დევიდ ჰეინსი სირიაში ჰუმანიტარულ ორგანიზაციაში მუშაობდა, ის ტერორისტებმა ტყვედ 2013 წლის მარტში აიყვანეს, ჰეინსის სიკვდილით დასჯის ვიდეო 2 წუთი და 27 წამი გრძელდება. ტერორისტები ვიდეოში აცხადებენ რომ ისინი ამერიკის მოკავშირეების გამოგზავნილს სჯიან და ბრიტანეთის პრემიერ-მინისტრ დევიდ კემერონს , ამერიკასთან დაახლოებაში ადანაშაულებენ.

”თქვენ თვენი ნებით გაერთიანდით აშშ-სთან ისლამური სახელმწიფოს წინააღმდეგ, ისევე როგორც თქვენ წინამორბედს ტონი ბლეერს თქვენც არ გყოფნით ვაჟკაცობა ამერიკელებს უარი უთხრათ” -ნათქვამია ვიდეოში. ტერორისტები ასევე აფრთხილებენ ბრიტანეთის ხელისუფლებას რომ თუ ავიაიერიშები არ შეწყდება, შემდეგი მსხვერპლი ისევ ბრიტანელი- ალან ჰენინგი იქნება.

დევიდ კამერონი ბრიტანელი ტყვის სიკვდილისთ დასჯას გამოეხმაურა და ტერორისტების ქმედებას, ,,ბოროტების ნამდვილი გამოვლინება" უწოდა, ბრიტანეთის პრემიერ მინისტრმა პირობა დადო, რომ რა დროც არ უნდა დაჭირდეთ, ისინი მოძებნიან დამნაშავეებს, რათა ისინი სასამართლოს წინაშე წარსდგნენ. დიდი ბრიტანეთის საიდუმლო სამსახური და საგარეო უწყება უკვე მუშაობენ გავრცელებული ვიდეოს სინამდვილის დადგენაზე.