10 სექტემბერს, საბაჟო გამშვები პუნქტის „ვალეს“ ტერიტორიაზე თურქეთის მხრიდან შემოვიდა თურქეთის მოქალაქე ბ.ა.ს., რომლის ბარგის დათვალიერებისას შემოსავლების სამსახურის თანამშრომლებმა ფსიქოტროპული ნივთიერების შემცველი პრეპარატი DUACT (11 აბი) აღმოაჩინეს.

16 გრამი მარიხუანა ჰქონდა დამალული საკუთარ ავტომობილში სომხეთის მოქალაქე ვ.ჰ.-ს, რომელიც 12 სექტემბერს შემოვიდა სგპ „სადახლო-საავტომობილოს“ ტერიტორიაზე.

აღნიშნული საქმეები, შემდგომი რეაგირებისთვის, შესაბამისად, საპატრულო პოლიციის დეპარტამენტის სამცხე-ჯავახეთის მთავარი სამმართველოს საგამოძიებო სამსახურს და შსს საპატრულო პოლიციას გადაეცა.