რუსეთის წინააღმდეგ ევროკავშირის ახალი სანქციები ამოქმედდა. სანქციებიის ახალ გაფართოებულ სიაში „როსნეფტი“, „ტრანსნეფტი“, „გაზპრომ ნეფტი“ „გაერთიანებული ავიამშენებელი კორპორაცია“, „ურალის ვაგონმშენებელი ქარხანა“ , კონცერნი „კალაშნიკოვი“ ელექტრო-ოპტიკური კომპანია „სირიუსი“ და სხვა 15-მდე კომპანია მოხვდა.

ევროკავშირის ცნობით, შეიზღუდება წამყვანი რუსული ბანკების აქციების გაყიდვა და მათი დაკრედიტება. გარდა ამისა, ევროპულ კომპანიებს რუსეთში ნავთობის საბადოების დაზვერვაში და დამუშავებაში მონაწილეობა აეკრძალებათ. რუსეთის ცხრა საწარმოს ორმაგი დანიშნულების ტექნოლოგიებზე წვდომა შეუწყდება. პერსონალური სანქციები კიდევ 24 რუს მოხელეს დაუწესდება.