პატიმარ ლევან კორტავას გარდაცვალების ფაქტზე, ცემის, ჯანმრთელობის განზრახ მძიმე დაზიანებისა და ქურდული სამყაროს წევრობისათვის 6 მსჯავრდებული ქუთაისის საქალაქო სასამართლომ დამნაშავედ ცნო. განაჩენთა ერთობლიობით ზოგიერთ მათგანს 20, ზოგს კი - 15 წლით თავისუფლების აღკვეთა მიესაჯათ, ასევე დაეკისრათ ფულადი ჯარიმა.

გეგუთის მეთოთხმეტე საპატიმროში გარდაცვლილი ლევან კორტავას საქმეზე, ასევე ბრალდებული არიან ამავე დაწესებულების თანამშრომლები, რომელთა საქმის განხილვა ჯერ არ დასრულებულა.

მსჯავრდებული ლევან კორტავა გეგუთის ციხეში, დაახლოებით ერთი წლის წინ, ცემის შედეგად მიყენებული დაზიანებების შედეგად გარდაიცვალა.