5 ჩვევა, რომელიც იწვევს დეპრესიას

ეს საინტერესოა - 12:06, 16 Mar, 2018

23070

ნებისმიერმა ადამიანმა, ვისაც ერთხელ მაინც ჰქონია დეპრესია, კარგად იცის თუ როგორი დამანგრეველი შეიძლება იყოს ის. ზოგისთვის დეპრესია დამაუძლურებელი დაავადებაა, ის ართმევს ადამიანებს ენერგიას, აქვეითებს კონცენტრაციის უნარს. დეპრესიაში მყოფი ადამიანი ვეღარაფრისგან იღებს სიამოვნებას. უფრო მძიმე შემთხვევაში ადამიანი კარგავს სიცოცხლის მიზანს. აუცილებელია ყველას ახსოვდეს, რომ დეპრესია არის სერიოზული დაავადება, რომელსაც სჭირდება პროფესიონალის მიერ დანიშნული მკურნალობა. მიმართეთ სერტიფიცირებულ ექიმს, რათა დროულად დაძლიოთ პრობლემა.

დეპრესიის გამომწვევი მიზეზი მრავალია, ზოგიერთი მათგანი ფიზიკურია, ზოგი კი - ფსიქოლოგიური. ქვემოთ მოყვანილია ჩვევები, რომლებმაც შესაძლოა განაპირობონ დეპრესიის ჩამოყალიბება:

ფიზიკური აქტივობის სიმცირე

შესაძლოა უცნაურად ჟღერს, მაგრამ ვარჯიში აუცილებელია არა მხოლოდ ფიზიკური, არამედ მენტალური ჯანმრთელობისთვისაც. მთელი დღის განმავლობაში სახლში უქმად ჯდომა იწვევს სიზარმაცესა და ამავდროულად გიბიძგებთ მიიღოთ ჭარბი რაოდენობით საკვები, რაც საბოლოო ჯამში დეპრესიის განვითარებით სრულდება. ის აქვეითებს ფიზიკურ აქტივობასა და თვითშეფასების უნარს. დეპრესიაში მყოფს ნაკლებად უჩნდება ვარჯიშის სურვილი, თუმცა დაიმახსოვრეთ, რომ მთელი დღის საწოლში ან ტახტზე გატარება საშინელი იდეაა. ჩვენს ტვინში გამომუშავდება ე.წ “ბედნიერების ჰორმონები” სეროტონინი და დოფამინი- ბიოლოგიურად აქტიური ნივთიერებები ენდორფინები, რომლებიც განსაზღვრავენ ადამიანის ემოციურ მდგომარეობას. დღეში 40 წთ ვარჯიში ასტიმულირებს თავის ტვინში ენდორფინების გამოყოფას, გინარჩუნებთ სულიერ სიმშვიდესა და მხნეობას.

არასრულფასოვანი კვება

კვება სჭირდება არამხოლოდ სხეულს, არამედ გონებასაც. ტვინის უჯრედების ზრდა-განვითარებისთვის აუცილებელია ცხიმები- განსაკუთრებით სასარგებლოა ომეგა 3 ცხიმოვანი მჟავები, რომელიც დიდი რაოდენობითაა თევზში, თხილეულში(ნიგოზი, თხილი, არაქისი…) არარაფინირებულ ზეთებში (მზესუმზირის, ზეითუნის, სეზამის, სიმინდის, სელის…) გარდა ამისა, არსებობს თევზის ქონი (ომეგა-3). არასოდეს თქვათ უარი ასეთ ცხიმებზე, წინააღმდეგ შემთხვევაში მეხსიერების პრობლემები და გამუდმებული უხასიათობა მუდამ შეგაწუხებთ.

არასაკმარისი ძილი და მუდმივი სტრესი

თუ თქვენ მუდმივად ართმევთ საკუთარ თავს ძილისთვის განკუთვნილ ძვირფას საათებს, თავადვე უწყობთ ხელს დეპრესიის განვითარებას. ექიმების რჩევით, ძილის ხანგრძლივობა ყოველთვის უნდა იყოს 7-8 საათი. გამოუძინებელი ადამიანი ადვილად ღიზიანდება და აწუხებს პარანოიდული აზრები. ეს ყოველივე კი დეპრესიის განვითარების საწინდარია. მეორეს მხრივ, გამოუძინებელი ადამიანი საკმაოდ არაპროდუქტიულია, განიცდის მუდმივ სტრესს სამსახურში. იქმნება მანკიერი წრე: არასაკმარისი ძილი იწვევს სტრსს, სტრესი განაპირობებს უძილობას, ყველაფერი ერთად კი- დეპრესიას. როცა ადამიანი სრულფასოვნად ვერ ასრულებს მასზე დაკისრებულ მოვალეობას ის განიცდის იმედგაცრუებას, ვეღარ აკონტროლებს თავს და ხდება დეპრესიის მსხვერპლი. მთავარია ყველამ გაათვიცნობიეროს, რომ დეპრესიის თავიდან აცილება არც ისე რთულია, უბრალოდ საჭიროა ძილი.

იზოლაცია

ოჯახის წევრებთან და მეგობრებთან ურთიერთობის შეწყვეტა დეპრესიის საკვები ნიადაგია. იზოლაცია ყველაზე უარესი რამაა. მეცნიერების აზრით, კომუნიკაბელური ადამიანები ნაკლებად არიან დეპრესიის მსხვერპლნი. ურთიერთობები ავითარებს და აუმჯობესებს თავის ტვინის მუშაობას. ყველა ადამიანს სჭირდება ვინმე, ვისაც გაუზიარებს დარდს, პრობლემებს, სიხარულს, ან უბრალოდ გაესაუბრება რაიმე თემაზე. ადამიანური ურთიერთობების გარეშე გონებრივი შესაძლებლობები ქვეითდება და შეუძლებელი ხდება ცხოვრების სირთულეებთან გამკლავება.

უარყოფითი ფიქრები

დეპრესიის მიზეზებს შორის ნეგატიური ემოციები და ფიქრები წამყვან ადგილს იკავებს. წამდაუწუმ ფიქრი შიშებზე, მარცხზე, დანაკარგზე, უარყოფაზე – დეპრესიის განვითარების გარანტიაა. არ უნდა დაგავიწყდეთ, რომ ამ ქვეყნად ყველაფერს თქვენ ვერ გააკონტროლებთ, ამიტომ არ ღირს იმაზე დარდი, რასაც ვერ შეცვლით. აუცილებელია ყოველთვის შეძლოთ საკუთარი ცხოვრების პოზიტიური წუთების გახსენება, როდესაც მოგეძალებათ უარყოფითი აზრები. ეცადეთ დრო გაატაროთ თქვენთვის ძვირფას ადამიანებთან, მათი ისტორიებისა და ხუმრობის მოსმენა ცხოვრებას გაგიხალისებთ.

წყარო - active.ge