The New York Times: შემდეგი ტერიტორია, რომელსაც დაიპყრობს რუსეთი

მსოფლიო - 14:38, 11 Sep, 2014

7266

The New York Times-ის მიმომხილველი ბრენდ შეფერდის ანალიტიკური სტატიაში სათაურით - "შემდეგი ტერიტორია, რომელსაც დაიპყრობს რუსეთი", აღნიშბულია, რომ რუსეთის იმპერიული ამბიციებისა და ზესახელმწიფოდ ჩამოყალიბების შემდეგი ნაბიჯი სამხრეთ კავკასია, კერძოდ მთიანი ყარაბახი შეიძლება გახდეს.
"რამოდენიმე კვირის წინ მოსკოვმა კვლავ გაამწვავა კონფლიქტი სომხეთსა და აზერბაიჯანს შორის და შეასრულა ე.წ. "მშვიდობისმყოფელის" მისია ორ სახელმწიფოს შორის.

რეგიონი, რომელიც ესაზღვრება რუსეთს, ირანსა და თურქეთს, სადაც გადის მილსადენი, რომლის მეშვეობითაც ნავთობი და ბუნებრივი აირი ცენტრალური აზიიდან ევროპას მიეწოდება საკმაოდ მნიშვნელოვანია. დასავლეთმა არ უნდა მისცეს რუსეთს ამ რეგიონის მორიგი ნაწილის გადაყლაპვის უფლება, რაც მათ გააკეთეს, როდესაც 2008 წელს მან აფხაზეთი და სამხრეთ ოსეთი ჩამოაცილა საქართველოს, ხოლო წელს - ყირიმი უკრაინას," - წერს ავტორი.

მთიანი ყარაბახის კონფლიქტი გაყინულ კონფლიქტად ითვლება. სომხეთი ისედაც აკონტროლებს აზერბაიჯანის ამ რეგიონს და იქ სალმაოდ ხშირად მიმდინარეობს მცირე ხასიათის შეტაკებები ორი ქვეყნის ჯარებს შორის. როგორც ავტორი აცხადებს, რუსეთი მთლიანად აკონტროლებს სომხეთის ჰაერსაწინააღმდეგო თავდაცვის სისტემას, ქვეყნის ეკონომიკისა და ინფრასტრუქტურის მნიშვნელოვან სექტორებს. ამიტომაც იგი არ ცდილობს კონფლიქტის მოგვარებას და აშკარად ეხმარება სომხეთს, რომელიც მისი მოკავშირეა, თანახმაა "ევრაზიულ კავშირში" გაწევრიანდეს. რუსეთს აწყობს რეგიონში მხარეების შეკავების მიზნით, შეიყვანოს საკუთარი სამხედრო ქვედანაყოფები, რის შემდეგადაც ვერცერთი ქვეყანა ვეღარ იტანამშრომლებს დასავლეთის სამყაროსთან სრული მასშტაბით.

"რუსეთმა, აგვისტოში სომხეთ-აზერბაიჯანს შორის კონფლიქტის განახლების შემდეგ მოახერხა და შეასრულა "მშვიდობისმყოფელის" ფუნქცია, რაზეც, რაოდენ გასაკვირიც არ უნდა იყოს, ამერიკელმა ჩინოვნიკებმა თანხმობა განაცხადეს. ნუთუ ვაშინგტონმა არ გამოიტანა დასკვნები საქართველოსა და უკრაინის მოვლენების შემდეგ? კავკასიაში კონფლიქტის ესკალაციის თავიდან ასაცილებლად პრეზიდენტ ობამას უნდა მოეწვია სომხეთისა და აზერბაიჯანის ლიდერები ვაშინგტონში რითიც აჩვენებდა, რომ იგი არ ამბობს უარს კავკასიაზე. ეს მისცემდა საშუალებას ორივე ქვეყნის ლიდერს, წინ აღდგომოდნენ რუსეთის ზეწოლას," - აცხადებს ავტორი.
იგი თბლის, რომ გაეროს გენერალურ ასამბლეაზე, რომელიც შემდეგ კვირაში გაიმართება ამერიკამ აუცილებლად უნდა გამოხატოს თავისი პოზიცია ამ საკითხში, კონფლიქტის მორიგი გაღვივება რუსეთს უნდა დაბრალდეს, რაც ხელს შეუშლის რეგიონში რუსეთის დამატებითი სამხედრო ნაწილების გამოჩენას "მშვიდობისმყოფელთა" საფარქვეშ.
და ბოლოს, ავტორს მიაჩნია, რომ დასავლეთმა უდა შეიმუშაოს მკაფიო სტრატეგია, რათა არ მისცეს მოსკოვს სხვა მესაზღვრე რეგიონების დაკავების უფლება, რადგან მისი აზრით, "თუ კავკასია თავის სუვერენიტეტს საბოლოოდ დაკარგავს რუსეთის სასარგებლოდ, ეს იქნება სასიკვდილო დარტყმა ვაშინგტონისათვის, მისი უნარისთვის არ მისცეს რუსეთს ყოფილი საბჭოთაა კავშირის ტერიტორიაზე ახალი ალიანსის ჩამოყალიბების საშუალება."