რუსეთის პრემიერ-მინისტრის დიმიტრი მედვედევის განცხადებით, ყირიმი აღარასოდეს იქნება უკრაინის და მსოფლიო ამას უნდა შეეგუოს. ამის შესახებ განცხადება მედვედევმა პარტია „ედინაია რასიას“ წევრებთან შეხვედრისას განაცხადა.

მედვედევის თქმით, რუსეთის პოზიცია ძალიან მარტივია „ჩვენ გვჭირდება, რომ უკრაინაში იყოს მშვიდობა და ყველა ადამიანი ვინც იქაა, ცხოვრობდეს მშვიდობიანი ცის ქვეშ - ესაა ჩვენთვის მთავარი. ამ მიზნის მისაღწევად კი, მე ვთვლი, რომ ჩვენმა ქვეყანამ ყველაფერი უნდა გააკეთოს, რაც მასზეა დამოკიდებული".

„ამასთანავე წელს გამოჩნდა ახალი პოლიტიკური რეალიები. კერძოდ ყირიმის დაბრუნება რუსეთის შემადგენლობაში. ჩვენ ზრდასრული ადამიანები ვართ და თუ პოლიტიკანობით არ ვართ დაკავებული, ყველა ვხვდებით რა მოხდა ყირიმში, ასევე ვხვდებით, რომ ყირიმის და რუსეთის ხელახალი გაერთიანება - ეს სამუდამოა. ეს უნდა გაიგოს ყველა პოლიტიკოსმა ჩვენს ქვეყანაში და მის ფარგლებს გარეთაც",-განაცხადა მედვედევმა.