უკრაინული მედიის ცნობით, გერმანიის კანცლერმა ანგელა მერკელმა რუსეთის მიმართ სანქციების ახალი პაკეტის ამოქმედების მიმართ მხარდაჭერა გამოხატა.

მერკალმა განცხადება ამის შესახებ, გერმანიის პარლამენტის წინაშე გამოსვლისას გააკეთა.

მერკელის თქმით, უკრაინაში სიტუაცია გაუმჯობესებისკენ მიდის, თუმცა აღმოსავლეთ უკრაინაში ცეცხლის შეწყვეტის შესახებ შეთანხმება სრულყოფილად არ სრულდება.

ევროპულმა საბჭომ რუსეთის წინააღმდეგ სანქციების გამკაცრების პაკეტი გუშინ მიიღო. ევროპული საბჭოს პრეზიდენტის ჰერმან ვან რომპეის განცხადებით, რუსეთის წინააღმდეგ დაწესებული სანქციების პაკეტი უახლოეს დღეებში გამოქვეყნება და გამოქვეყნებისთანავე ავტომატურად ამოქმედდება.