წალენჯიხის რაიონის დაბა ჯვარში სამართალდამცველებმა სპეცოპერაცია ჩაატარეს, რომლის შედეგად 30 წლის დავით ქუხილავა დააკავეს. მისი ოჯახის წევრების განცხადებით, სპეცრაზმი მათ თავს დაესხა და სამართალდამცველების მხრიდან იყო ფიზიკური და სიტყვიერი შეურაცხყოფა. დაკავებულის ნათესავების თქმით, პოლიციის ერთ-ერთმა თანამშრომელმა დავით ქუხილავასთვის მარიხუანას ჩადება სცადეს. ქუხილავა სამხარეო პოლიციის შენობაში ჰყავთ და მასთან ამ დრომდე ადვოკატი არ შესულა.

„სახლში შემოვარდნენ ყოველგვარი ახსნა-განმარტების და საბუთების წარმოდგენის გარეშე. მძინარე ხალხი აგვყარეს, იყო უხეში მოპყრობაც. ისიც კი არ გვითრეს ვის ეძებდნენ“, - განაცხადა დაკავებულის დამ.