„ებოლას გავრცელების გამო, ლიბერიის არსებობას საფრთხე ემუქრება“, - ამის შესახებ ლიბერიის თავდაცვის მინისტრმა ბრაუნი სამუკაიმ განაცხადა.

მისი თქმით, ებოლას გავრცელებასთან დაკავშირებით საერთაშორისო რეაქცია საკმაოდ თავდაჭერილია.

„მომაკვდინებელ ვირუსთან საბრძოლველად ლიბერიას არ ყოფნის საჭირო ინფრასტრუქტურა, არც სპეციალისტები და არც ფინანსური რესურსები“, - აცხადებს სამუკაია.

ჯანდაცვის მსოფლიო ორგანიზაციის ინფორმაციით, ლიბერიაში, გვინეასა და სიერა ლეონეში ებოლას ვირუსს 2 288 ადამიანი ემსხვერპლა. .

ებოლას ვირუსზე უცხოეთიდან ჩამოსულ პირებს საქართველოშიც აკვირდებიან. მონიტორინგის პერიოდი 21 დღით განისაზღვრება და მას დაავადებათა კონტროლის პალატა ახორციელებს. დაკვირვების ქვეშ მყოფი პირების უმეტესობა ნიგერიიდან ჩამოსული სტუდენტები არიან.