საქართველოს ფინანსთა სამინისტროს საგამოძიებო სამსახურმა, ყალბი საგადასახადო დოკუმენტების ჯგუფურად დამზადება–გასაღების ფაქტზე ოთხი პიროვნება დააკავა.

გამოძიებით დადგინდა, რომ ერმილე გახოკიძემ, ზურაბ ტაბიძემ, პაატა ტოგონიძემ და ოთარ ჩოგოვაძემ დაამზადეს და მეწარმე სუბიექტზე გაასაღეს ყალბი საგადასახადო ანგარიშ–ფაქტურა და სასაქონლო ზედნადებები, თითქოს, ერთერთ მეწარმეს მათ დიდი ოდენობის ღირებულების დამუშავებული ხის მასალა მიაწოდეს. ყალბი საგადასახადო დოკუმენტების დამზადება - გასაღების სანაცვლოდ, დაკავებულებმა 9 650 ლარი აიღეს.

დანაშაულებრივ ფაქტზე გამოძიება გრძელდება 210-ე მუხლის მეორე ნაწილით, რაც ითვალისწინებს პატიმრობას 4-დან 7 წლამდე ვადით.