თბილისის საქალაქო სასამართლოში ყოფილი მერის გიგი უგულავას პროცესი მიმდინარეობს. საქმე ეხება რიყის ტერიტორიისა და "ტელეიმედის" საქმის განხილვას.

უგულავას განცხადებით, პრესაში მისი სახელით გავრცელებული რევოლუციისკენ მოწოდების შემცველი წერილი მას არ ეკუთვნის.

მისი თქმით, მას შემდეგ რაც მისი დაკავება მოხდა, მისი „იმეილი“ გატეხეს.

"ცნობილია იმ პირთა ვინაობა, ვინც "იმეილი" გატეხა, თუმცა გამოძიება ფორმალურად მიმდინარეობს. მომავალშიც არ არის გამორიცხული, რომ მსგავსი წერილები გავრცელდეს, თუმცა ეს ჩემი არ იქნება. მე თუ რამე მექნება სათქმელი, სასამართლოში ვიტყვი",- განაცხადა უგულავამ.

შეგახსენებთ, რომ რამდენიმე დღის წინ „კვირის ქრონიკამ“ სანდო წყაროსგან მიწოდებული გიგი უგულავას წერილი გაასაჯაროვა.