შსს დოლიძის ქუჩაზე ახალგაზრდას დაკავების ფაქტს ადასტურებს, თუმცა პოლიციელების მხრიდან მასზე ფიზიკურ ზეწოლას უარყოფს.

ამის შესახებ „ნიუპოსტს“ შინაგან საქმეთა სამინისტროს პრესსამსახურში განუცხადეს.

გავრცელებული ინფორმაციით, პოლიციელები თბილისში გვიან ღამით მოზარდს ფიზიკურად გაუსწორდნენ.

არსებული ინფორმაციით, დოლიძის ქუჩაზე სამართალდამცველებმა ორი ახალგაზრდა დააკავეს და განყოფილებაში გადაყვანის შემდეგ სასტიკად სცემეს. როგორც ცნობილია, ერთ-ერთ ახალგაზრდას გამოკვლევის შედეგად თავის ქალის წნევის მომატება და ჰემატომა დაუდგინდა.