The Independent: NATO-მ გამბედაობა უნდა მოიკრიფოს, რომ მოსკოვს წინ აღუდგეს

მსოფლიო - 18:10, 08 Sep, 2014

642

The Independent-ში დაიბეჭდა სტატია, რომელშიც საუბარია ჩრდილოატლანტიკური ალიანსის უკანასკნელი სამიტის გადაწყვეტილებებზე უკრაინის კრიზისთან მიმართებაში.

"რუსეთის უკრაინაში შეჭრის შემდეგ, NATO-ს გაუჩნდა მოთხოვნილება, რომ დაუბრუნდეს თავის "ძველ სამუშაოს", რომელიც ათწლეულობით არის გაანალიზებული და გამოცდილი - რუსეთისათვის წინააღმდეგობის გაწევას. მაგრამ ისმის კითხვა, ეყოფათ კი დასავლეთის ქვეყნებს გამბედაობა, რომ გამოვიდნენ მოსკოვის აგრესიის წინააღმდეგ?: - წერს პოლიტიკური მიმომხილველი რუპერტ კორნუელი.

იგი შეახსენებს მკითხველს, რომ ჩრდილოატლანტიკური ალიანსი იმთავითვე სწორედ ამ მიზნისთვის შეიქმნა 1949 წელს - კრემლის იმჟამინდელი აგრესიული პოლიტიკის შესაჩერებლად. მაგრამ გავიდა წლები და დასავლეთის ქვეყნები, და შესაბამისად NATO-ც, უარზე არიან, რომ იომონ უკრაინაში რუსეთის აგრესიის წინააღმდეგ.

რუსეთის დონბასში შეჭრის წინააღმდეგ მოკრძალებული რეაქციის შემდეგ, გაბედავს კი NATO დაიცვას აგრესიისგან მისი წევრი ბალტიის ქვეყნები და პოლონეთი, რომლებიც უკვე საკმაოდ ნერვიულობენ? ამჯამად ლიდერობა თავის თავზე ბარაკ ობამამ და აშშ-მ აიღო, რომელიც ჩავიდა ბალტიისპირეთში და დაპრდა მათ შესაბამის დახმარებას. მაგრამ სხვები? არც ის დაგვავიწყდეს, რომ ობამამ უკვე დახუჭა თვალები სირიაში ქიმიური იარაღის გამოყენებაზე, მით უფრო, რომ ეს "წითელი ხაზი" მან თვითონვე დააწესა - წერს ავტორი.

მისი მოსაზრებით, NATO-ს აუცილებლად სჭირდება ძირეული რეფორმები და ძველი ძალისა და დიდების აღდგენა, წინააღმდეგ შემთხვევაში მას ბევრ რამეზე მოუწევს თვალის დახუჭვა.