რუსეთის ინტელიგენცია: ჩვენ ყველაფერი უნდა გავაკეთოთ, რომ მესამე მსოფლიო ომი შევაჩეროთ

მსოფლიო - 19:09, 07 Sep, 2014

1775

რუსეთის ინტელიგენციის ნაწილი პრეზიდენტ პუტინისაგან ითხოვს სასწრაფოდ შეწყვიტოს აგრესია უკრაინის წინააღმდეგ. მათ ხელი მოაწერეს განცხადებას, რომელიც გამოაქვეყნა ორგანიზაციამ "ინტელიგენციის კონგრესი ომის, რუსეთის თვითიზოლაციისა და ტოტალიტარიზმის აღდგენის წინააღმდეგ".
როგორც ცნობილია სექტემბერში რუსეთში უნდა გაიმართოს აქცია "მშვიდობის მარში რუსეთის უკრაინაში აგრესიის წინააღმდეგ". ხოლო აღნიშნული ორგანიზაცია, რომელიც მარშის ერთერთი ორგანიზატორია, შეიქმნა რუსეთის მიერ ყირიმის ანექსიის შემდეგ.
"ჩვენ მივეცით ხელისუფლება პოლიტიკურ რეჟიმს, რომელიც აღვივებს აგრესიას და ჩვენ ყველაფერი უნდა გავაკეთოთ, რომ მესამე მსოფლიო შევაჩროთ, რომლის პროლოგიც ახლა უკრაინაში თამაშდება." - ნათქვამია განცხადებაში.
განცხადებაზე ხელმომწერები მოითხოვენ, რომ რუსეთმა გამოყვანოს თავისი ჯარები უკრაინიდან, გამოიძიოს ძალადობრივი ფაქტები, რომელიც რუსეთში ხდება ომის მოწინააღმდეგე აქტივისტების მიმართ, ფედერალურ ტელეარხებზე აკრძალოს ის სიძულვილისა და ტყუილის ნიაღვარი, რომელიც მიმართულია უკრაინის, დასავლეთის სამყაროსა და სხვაგვარად მოაზროვნეების მისამართით, გააშუქოს რეალურად თუ რა ხდება უკრაინიაში და გამოყოს დრო ალტერნატიული პოზიციის დასაფიქსირებლად.
დოკუმენტზე ხელი უკვე მოაწერა დაახლოებით 1800 ადამიანმა. რომელთა შორისაა, მუსიკოსი ანდრეი მაკარევიჩი. მსახიონი ლია ახეჯაკოვა, მწერლები ვიქტორ შენდეროვიჩი და ვლადიმერ ვოინოვიჩი, უფლებადამცველები ლუიდმილა ალექსეევა და ლიუდმილა ულიცკაია. ისტორიკოსი ანდრეი ზუბოვი და სხვა.