2014 წლის 1 სექტემბერი მომღერალ დიანა ღურწკაიასთვის ორმაგად ისტორიული აღმოჩნდა. სწორედ ამ დღეს მისი ვაჟი კონსტანტინი პირველ კლასში მივიდა და ამავე დღეს რუსეთის ფედერაციის პრეზიდენტმა ხელი მოაწერა განკარგულებას დიანა ღურწკაიასთვის საპატიო ორდენით დაჯილდოების შესახებ. ჯილდო წარმოშობით ქართველ მომღერალს ვლადიმერ პუტინისგან ,,სოჭში 2014 წლის XI პარალიმპიური ზამთრის თამაშების სამზადისში შეტანილი წვლილისთვის მიენიჭა.’’

,,ვამაყობ ჩემი საყვარელი მეუღლით! რასაც ის აკეთებს, ეს დიდი შრომაა! უნდა ფლობდე წარმოუდგენელ მიზანსწრაფულობას, რომ ასეთ მიზნებს მიაღწიო’’, - განაცხადა დინას მეუღლემ, ადვოკატმა პიოტრ კუჩერენკომ.

როგორც თავად მომღერალმა განაცხადა, მსგავს პრიზს იგი არ ელოდა.

,,დამირეკა ქმარმა და მითხრა: ახლა შენ დაგირეკავს პრეზიდენტის ადმინისტრაციის თანამშრომელი. არ დააკავო ტელეფონიო. მე შეშინებულმა ვკითხე: ,,კი მაგრამ, რა მოხდა?’’ თუმცა, გაირკვა, რომ ეს ძალიან სასიამოვნო ახალი ამბავი აღმოჩნდა. მოხარული ვარ, რომ ჩემი ძალისხმევა დაფასდა'', - განაცხადა დიანა ღურწკაიამ.

წყარო: mediamall.ge