"სადეზინფორმაციო სააგენტო" ria.ru-ს: ХВАТИТ ВРАТЬ ГОСПОДА!

შენი რეპორტაჟი - 21:28, 05 Sep, 2014

2664

რუსული საინფორმაციო სააგენტო ავრცელაბს მასალას, რომლის სათაურიცაა - "საქართველო ნატოში: ხელისუფლება - მომხრეა, ხალხი - წინააღმდეგი.

ნამდვილად არ გამკვირვებია, როდესაც რუსული პროპაგანდისტული სიცრუის მანქანის ერთერთი ფლაგმანის, ria.ru-ს ვებ გვერდზე საქართველოს შესახებ მორიგი სიცრუე ამოვიკითხე - რუსული მედია ხომ ცნობილია მსგავსი გამოხტომებით და არამარტო სხვა ქვეყნების შესახებ ავრცელებს დეზინფორმაციას, არამედ საკუთარ ხალხს რეალურ სურათს უმალავს, თუ როგორ იხოცებიან რუსეთის ჯარისკაცები პუტინის მიერ უკრაინის წინააღმდეგ წამოწყებულ უაზრო იმპერიალისტურ ომში.

სტატიაში აღნიშნულია, რომ იმ დროს, როცა საქართველოს დელეგაცია ნატოს უელსის სამიტზე აქტიურ მონაწილეობას იღებს, თბილისსა და საქართველოს სხვა ქალაქებში საპროტესტო აქციები მიმდინარეობს, რომელზეც ხალხი ქვეყნის საგარეოპოლიტიკური კურსის შეცვლასა და ნატო-ს ნაცვლად "ევრაზიულ კავშირში" გაწევრიანებს ითხოვს.

სტატია აშკარად პროპაგანდისტულ-დეზინფორმაციულ ხასიათს ატარებს, რომლის მიზანი რუსეთის მოსახლეობისა და რუსეთში მცხოვრები ქართველების თვალში ნაცრის შეყრაა, მათ კარგად იციან, რომ არც საქართველოში და არც სხვაგან ამ სისულელეს არავინ დაიჯერებს. ეს პუტინ-დუგინისა და მათი წინამორბედების წლობით ნაცადი ცნობილი ხერხია - საქართველოს მოსახლეობა კარგია, ხელისუფლება ცუდი.

ისიც გასაგებია, რომ რუსული მედია საქართველოში დუგინის მიერ ხელდასმულ "ევრაზიული არჩევანის" რამდენიმეათეულკაციან აქციას სასურველზე მეტად აბუქებს და სრულიად ქართველი ხალხის სურვილად ასაღებს.

ria.ru უფრო შორსაც მიდის - თურმე 2008 წლის რეფერენდუმი გაყალბებული ყოფილა და ხალხს სულაც არ სურს ნატოში გაწევრიანება. რა თქმა უნდა არც ამ სიყალბეს ამაგრებს მონაცემებით "სადეზინფორმაციო სააგენტო", უნრალოდ ამბობს, რომ ხალხი დარწმუნდა, რომ 20 წლის მანძილზე საქართველოს დასავლეთთან ურთიერთობამ კარგი არაფერი მოუტანა, ქვეყანამ ტერიტორიის 20% დაკარგა. ესეც დუგინის ცნობილი იდეოლოგიური ციტატაა, რომელსაც, ისევე როგორც რუსეთუმე ქართველებს, ყველა ჭეშმარიტმა ქართველმა ასეთი პასუხი უნდა გასცეს - უკაცრავად, მაგრამ ეს ტერიტორიები ვინ წაგვართვა, ვინ ომობდა ჩვენს წინააღმდეგ? ხატაეთი?..

ХВАТИТ ВРАТЬ ГОСПОДА!

ყოველივე ეს ერთ კითხვას ბადებს - რუსეთისა და მისი იდეოლოგების მიზანი გასაგებია - რუსეთის იმპერიის აღდგენა, მაგრამ ჩვენ რატომ ვაძლევთ მათ ამის უფლებას? რატომ ვაძლევთ უფლებას აგრესორ-ოკუპანტს დასცინოს ჩვენს ხალხს, ათწლეულების მანძილზე საქართველოს მთლიანობისათვის დაღუპული ბიჭების საფლავებს?

უბრალო პატრიოტი