პეტრე პოროშენკოს 14 პუნქტიანი სამშვიდობო გეგმა

მსოფლიო - 19:49, 05 Sep, 2014

1322

უკრაინის პრეზიდენტმა პეტრე პოროშენკომ უელსში თავისი სამშვიდობო გეგმა გამოაქვეყნა.

პოროშენკოს სამშვიდობო გეგმა 14 პუნქტიანია:

1. უსაფრთხოების გარანტიები მოლაპარაკებების ყველა მონაწილეს.

2. იმ პირების სისხლისსამართლებრივი პასუხისმგებლობისაგან განთავისუფლება, ვინც ჩააბარებს იარაღს და არ ჩაუდენია მძიმე დანაშაული.

3. მძევლების განთავისუფლება.

4. 10 კმ-იანი ბუფერული ზონის შექმნა უკრაინისა და რუსეთის სახელმწიფო საზღვარზე. უკანონო შეიარაღებული დაჯგუფებების გაყვანა უკრაინის ტერიტორიიდან.

5. გარანტირებული დერეფნის შექმნა რუსი ჯარისკაცებისა და დაქირავებულებისათვის.

6. განიარაღება.

7. შინაგან საქმეთა სამინისტროს სტრუქტურაში სპეციალური ქვედანაყოფების შექმნა ერთობლივი პატრულირებისათვის.

8. უკანონოდ დაკავებული ადმინისტრაციული შენობების გათავისუფლება დონეცკის და ლუგანსკის რეგიონში.

9. ადგილობრივი ხელისუფლების ფუნქციონირების აღდგენა.

10. უკრაინის ცენტრალური ტელე და რადიმაუწყებლობის აღდგენა დონეცკის და ლუგანსკის რეგიონში.

11. ხელისუფლების დეცენტრალიზაცია (აღმასრულებელი ორგანოების არჩევნების მეშვეობით, რუსული ენის დაცვა - უკრაინის კონსტიტუციაში ცვლილებების შეტანის შედეგად).

12. არჩევნებამდე გუბერნატორების შერჩევის შეთანხმება დონბასის წარმომადგენლებთან (შეთანხმების შემთხევაში წარდგენილი იქნება ერთი კანდიდატი, აზრთა სხვადასხვაობის შემთხვევაში - გადაწყვეტილებას იღებს პრეზიდენტი).

13 რიგგარეშე ადგილობრივი და საპარლამენტო არჩევნების ჩატარება.

14 სპეციალური პროგრამის შემუშავება, რეგიონში სამუშაო ადგილების შექმნის მიზნით.