ვაკეში აბაშიძის ქუჩაზე 2 სეტემბერს მომხდარ მკვლელობაში ეჭვმიტანილი გიორგი ოქროპირიძე, რომელიც ლაშა მახარაძის მკვლელობისთვის იძებნება, სავარუდოდ საზღვრის გადაკვეთის მცდელობისას დააკავეს. ამის შესახებ ინფორმაციას ტელეკომპანია „რუსთავი 2“ ავრცელებს.

შეგახსენებთ, რომ 2 სექტემბერს აბაშიძის ქუჩაზე ლაშა მახარაძეს “ML“-ის მარკის ავტომობილიდან ოთხჯერ ესროლეს, მახარაძე რესპუბლიკურ საავადმყოფოში გადაიყვანეს, თუმცა, იგი სამედიცინო დაწესებულებაში შეყვანამდე გარდაიცვალა. სამედიცინო პერსონალის ცნობით მახარაძეს აორტა ჰქონდა დაზიანებული და მისი გადარჩენა ვერ მოხერხდა.

ვრცელდება მკვლელობის სავარუდო მოტივიც, გრდაცვლილის ახლობლების ცნობით, ოქროპირიძეს ერთი წლის წინ უთანხომება მოუვიდა მახარაძის ძმასთან, რის გამოც მკვლელმა შური იძია.

ოქროპირიძე მიმდინარე წლის 8 მაისს ამნისტიის შედეგად გათავისუფლდა, იგი სასჯელს 2009 წელს 19 წლის ლევან თალაკვაძის მკვლელობისთვის იხდიდა.

გუშინ, სამართალდამცავებმა ფასანაურში ვლადიმერ ბერძენიშვილი დააკავეს, რომელმაც ოქროპირიძე მკვლელობის ადგილზე მისი კუთვნილი ავტომობილით მიიყვანა. ბერძენიშვილის წინააღმდეგ გამოძიება განზრახ მკვლელობის და განსაკუთრებით მძიმე დანაშაულის შეუტყობინებლობის ფაქტზე მიმდინარეობს