ნატო-უკრაინის კომისიის სხდომის შემდგომ მიღებულ ერთობლივ განცხადებაში ჩრდილო-ატლანტიკურმა ალიანსმა შეაფასა რუსეთის ქმედებები უკრაინის ტერიტორიაზე და მას უკანონო და არალეგიტიმური უწოდა.

რუსეთს ჯარების გაყვანისკენ კიდევ ერთხელ მოუწოდა ანდერს ფოგ რასმუსენმა, დღის ბოლოს პეტრო პოროშენკოსთან ერთად გამართულ პრესკონფერენციაზეც.

„რუსეთის ჯარები ისევ განაგრძობენ უკრაინელ სამხედოებზე შეტევებს, მოსკოვს არცერთი ნაბიჯი არ გადაუდგამს მშვიდობის მისაღწევად, მიუხედავად იმისა, რომ ამის შესახებ ხშირად საუბრობს, რუსეთმა უნდა შეწყვიტოს აგრესიული ქმედებები, გამოიყვანოს ათასობით ჯარისკაცი და შეწყვიტოს სეპარატისტების მხარდაჭერა, ჩვენ გვჯერა, რომ კრიზისი პოლიტიკური გზით უნდა მოგვარდეს“, - განაცხადა რასმუსენმა.