უკრაინის კრიზისის დარეგულირების პუტინის 7 პუნქტიანი გეგმა

მსოფლიო - 17:28, 03 Sep, 2014

754

ვლადიმერ პუტინმა უკრაინის პრეზიდენტს უკრაინის კრიზისის დარეგულირების სამოქმედო გეგმა შესთავაზა. ამის შესახებ თავად პუტინმა განაცხადა მონღოლეთში ვიზიტის დროს.

რუსეთის პრეზიდენტმა განცხადებით სამხრეთ- აღმოსავლეთ უკრაინაში სისხლისღვრის შეწყვეტისა და სიტუაციის სტაბილიზაციისთვის, დაპირისპირებულმა მხარეებმა დაუყონებლივ უნდა შეათანხმონ და კორდინაცია გაუწიონ ქმედებებს, რომელიც მან 7 პუნქტად ჩამოაყალიბა.

პუტინის ინიციატივა ითვალისწინებს;

1. ლუგანსკისა და დონეცკის მიმართულებით აღმოსავლეთ უკრაინის სამხედრო ფორმირებების აქტიური შეტევითი ოპერაციების შეწყვეტას.

2. უკრაინის შეიარაღებულმა ძალების სამხედრო ნაწილების ისეთ მანძილზე უკან დახევას, რომ ვერ განხორციელდეს დასახლებული პუნქტების დაბომბვა არტილერიითა და ნებისმიერი სახის ზალპური ცეცხლის რეაქტიული სისტემიდან.

3. სრულფასოვანი და ობიექტური საერთაშორისო კონტროლის განხორციელებას, რომელიც დააკვირდება ცეცხლის შეწყვეტის შეთანხმების შესრულების პროცესს და რეგიონში უსაფრთხოებას გაუწევს მონიტორინგს.

4. კონფლიქტის ზონაში დასახლებული პუნქტებისა და მშვიდობიანი მოსახლეობის წინააღმდეგ საბრძოლო ავიაციის გამორიცხვას.

5. ყოველგვარი წინაპირობის გარეშე ყველა იძულებით დაკავებული პირის ურთიერთგაცვლას.

6. კიევის მიერ იძულებით გადაადგილებულ პირთა და ჰუმანიტარული ტვირთის თავისუფალი მოძრაობის მიზნით კორიდორის გახსნას.

7. დაზიანებული სოციალური და სასიცოცხლოდ მნიშნველოვანი ინფრაქტრუქტურის აღდგენის მიზნით აღმოსავლეთ უკრაინაში სარემონტო ბრიგადების გაგზავნას.

პუტინი იმედოვნებს, რომ გეგმის საბოლოო დეტალებზე შეთანხმება უკრაინის ხელისუფებასთან 5 სექტემრისთვის მოხდება. "აღმოსავლეთ უკრაინაში მდგომარეობის მრავალმხრივი დარეგულირება უნდა მოხდეს იქ მცხოვრები მოსახლეობის უფლებების სრული უზრუნველყოფით".