ევროკომისია არ თვლის საჭიროდ ევროკომისარ ჟოზე მანუელ ბაროზუსა და ვლადიმერ პუტინის სატელეფონო საუბრის ჩანაწერი გაასაჯაროვოს. ამას კი ოფიციალური მოსკოვი დაჟინებით მოითხოვს.

„29 აგვისტოს გავრცელდა ინფორმაცია სწორედ ამ საუბრის დეტალების შესახებ, ჩვენ დასამატებელი არაფერი გვაქვს“, - აცხადებენ ევროკომისიაში.

შეგახსენებთ, რომ ორი დღის წინ გავრცელებული ინფორმაციის თანახმად, ვლადიმერ პუტინი ბაროზუს დაემუქრა და განუცხადა, რომ მონდომების შემთხვევაში რუსეთი კიევს რამდენიმე დღეში აიღებს. ამ ყოველივეს კრემლში კონტექსტიდან ამოგლეჯილი უწოდეს და სატელეფონო საუბრის ჩანაწერის გასაჯაროვება მოითხოვეს.