თბილისის საქალაქო სასამართლოში გიგი უგულავას საქმის არსებითი განხილვა დასრულდა.

დღევანდელ სასამართლო პროცესზე გიგი უგულავამ მოწმის სახით ზურაბ ადეიშვილის და თბილისის განვითარების ფონდის ხელმძღვანელის გიორგი საბანაძის დაკითხვა, დისტანციური მეთოდით მოითხოვა.

ყოფილმა მერმა დისტანციური მეთოდით დაკითხვის დაშვება პროკურორებს სთხოვა, რადგან მისი თქმით, ადეიშვილი და საბანაძე არიან ის ადამიანები, რომლებიც დაამტკიცებენ, რომ თბილისის განვითრების ეპიზოდთან დაკავშირებით გიგი უგულავა უდანაშაულოა.

„ჩვენი რამდენიმე მოწმის სკაიპით დაკითხვის უფლება გვინდა გვქონდეს. დღეს აპრობირებული მეთოდით ტექნიკურად ეს გამართული და შესაძლებელია, სამართლებრივადაც ეს შესაძლებელია, იმიტომ რომ სხვა სასამართლო პროცესზე ჯოზეფ ქეიც დინსტანციური მეთოდით დაიკითხა, აქედან გამომდინარე მე იმედი, მაქვს რომ პროკურორები არ გააპროტესტებენ იმას, რომ რამდნეიმე მოწმე სკაიპით ჩაერთვება და ისაუბრებს საქმეების გარემოებებზე“,- განაცხადა უგულავამ.

შეგახსენებთ, რომ საქმე ეხება თბილისის განვითარების ფონს რაზეც გამოძიება ყოფილს მერს 48 მილიონის გაფლანგვას ედავება.

ნინა შადური