ავსტრალიის ხელისუფლებამ სანქციები რუსეთის ფედერაციის წინააღმდეგ ევროკავშირის დონეზე გააფართოვა. ამის შესახებ ინფორმაციას Reuters, ქვეყნის პრემიერმინისტრ ტონი ებოტაზე დაყრდნობით ავრცელებს.

სანქციები რუსულ ბანკებს ეხება, ასევე საუბარია ვაჭრობის საკითხებზეც.

„დღეისათვის არანაკლებ 2 500 ადამიანისა დაიღუპა რუსეთ-უკრაინის კონფლიქტის შედეგად. რუსეთმა დაიწყო ეს შეიარაღებული კონფლიქტი და რუსეთმა უნდა აიღოს პასუხისმგებლობა თითოეული დაღუპული ადამიანის სიცოცხლეზე. მე ვაცხადებ, რომ ავსტრალია აფართოვებს სანქციებს რუსეთის წინააღმდეგ ევროკავშირის დონეზე“, - განაცხადა ებოტმა.

დასავლეთის ქვეყნებმა, მათ შორის ევროკავშირმა და აშშ-მ, რუსეთის წინაარმდეგ სანქციების პირველი ეტაპი 2014 წლის მარტში აამოქმედეს. მოგვიანებით სანქციები გამკაცრდა და მისი შინაარსი და სია დღემდე ფართოვდება.

ანანო კვაჭანტირაძე