ჟოზე მანუელ ბაროზუსა და რუსეთის პრეზიდენტ ვლადიმერ პუტინს შორის სატელეფონო საუბარი შედგა. ბაროზუს განცხადებით, მას იმედი აქვს, რომ ჯერჯერობით შესაძლებელია სიტუაციის გამოსწორება. მან ასევე მადლობა გადაუხადა პეტრო პოროშენკოს იმისთვის, რომ რუსეთის აგრესიის მიუხედავად, უკრაინა კვლავ აგრძელებს ევროინტეგრაციისთვის ბრძოლას:

„განვიხილეთ უკრაინის აღმოსავლეთით უსაფრთხოებისა და ჰუმანიტარული თვალსაზრისით არსებული ვითარება. ამან ჩვენი შეშფოთება კიდევ უფრო გააღრმავა. ბრიუსელში პრეზიდენტ პოროშენკოს ვიზიტი არის სიმბოლო იმისა, რომ ევროპა აგრძელებს უკრაინის მხარდაჭერას და სურს კონფლიქტის პოლიტიკური გზებით მოგვარება, რომელიც უკრაინის სუვერენიტეტსა და ტერიტორიული მთლიანობის პატივისცემაზე იქნება დაფუძნებული. ვითარება ბოლო დღეებში კიდევ უფრო გაუარესდა. პირადად მოვუწოდებ ვლადიმერ პუტინს, რომ კურსი შეცვალოს. არავის ინტერესში არ შედის ჩვენს კონტინენტზე ახალი ომი“, - განაცხადა ბაროზუმ.