საპარლამენტო უმცირესობის ლიდერის დავით ბაქრაძის და მისი მეუღლის მაკა მეტრეველის 6 საათიანი დაკითხვა მთავარ პროკურატურაში დასრულდა. საგამოძიებო უწყება იმ თანხის კანონიერებას არკვევს, რომელიც დავით ბაქრაძემ ცოტა ხნის წინ HSBC ბანკის ინგლისურ ფილიალიდან სხვა საბანკო ანგარიშზე გადაიტანა.

საუბარია 795 000-მდე ლარზე, რომელიც თავის დროზე პარლამენტის ყოფილი თავმჯდომარის მიერ შევსებულ დეკლარაციაში არ მოხვდა. მიზეზი "ნაციონალური მოძრაობის" ერთ-ერთმა ლიდერმა დაკითხვაზე შესვლამდე თავად განმარტა და იქვე დაინტერსდა, როგორ გახდა პირადი ფოსტით მიღებული ინფორმაცია საჯარო.

დავით ბაქრაძე დაკითხვიდან გამოსვლის შემდეგ დეტალებზე ვერ საუბრობს, რადგან მისი თქმით, მას აქვს აღებული ვალდებულება, რომ არ გაასაჯაროვოს დაკითხვის დეტალები.

„ყველა კითხვაზე ამომწურავი პასუხი მიიღეს. მე კიდევ ერთხელ ვიმეორებ, რომ ეს იყო ჩემი შეგენებული არჩევანი, რომ მიუხედავად პარლამენტის წევრის იმუნიტეტისა მე მოვუსლიყავი, იმიტომ რომ ღიად მესაუბრა ყველაფერზე, ეს არ იყო განკარგვაში მყოფი თანხა, ეს საერთოდ არ არის ჩემი ან ჩემი ოჯახის წევრების თანხა, ეს არის თანხა, რომელსაც ჩემი შვილები მიიღებენ ათი წლის შემდეგ, როდესაც გახდებიან სრულწლოვნები, სისულელე იქნება ვივარაუდოთ, რომ ბანკიდან მოხდა ამის გაჟონვა, ბუნებრივია იყო წერილი, მოხდა წერილის გახსნა და უკანონოდ ნახვა ფოსტაში და შემდეგ მოხდა მოგონილი მისმართით ამ უკანონოდ ნანახი წერილის ატვირთვა ვერბგვერდზე“,- განაცხადა დავით ბაქრაძემ.

ნინა გოლოშვილი