საიდუმლო დაკრძალვა ვორონეჟის ოლქში

მსოფლიო - 02:01, 29 Aug, 2014

1545

76-ე სადესანტო-მოიერიშე დივიზია დისლოცირებულია ფსკოვში. როგორც სამხედრო კომისარიატში ჟურნალისტებს განუცხადეს, ვორონეჟის ოლქში დაკრძალული ანტონ კოროლენკო დაიღუპა ,,სამსახურებრივი მოვალეობის შესრულების დროს“. სად და რა ვითარებაში დაიღუპა მეთაური, ოფიციალურად არ ფიქსირდება. ნათესავებიც არ პასუხობენ კითხვაზე და ინფორმაციას უწოდებენ საიდუმლოს. პავლოვსკის ერთ-ერთ სოფელში ცხოვრობენ კოროლენკოს მშობლები, ამიტომაც, დაკრძალეს დაღუპული მედესანტე ვორონეჟში და არა ფსკოვში, სადაც მისი ოჯახი ცხოვრობს. მას ფსკოვში ჰყავს მეუღლე და ქალიშვილი.

,,პარასკევს დილით მე ვიყავი ბედნიერი, ვალაგებდი ბარგს ფსკოვში, სახლში გასამგზავრებლად. სადილისთვის ყველაფერი მოიშალა. მე ვარ უფსკრულის პირას - ერთ მხარეს ჩვენი ბედნიერი ცხოვრება, ხოლო მეორე მხარეს - სიცარიელე. ილოცეთ ყველამ ჩემი ერთადერთი სიყვარულისთვის - ანტონისთვის. როგორ შეიძლება ასეთი მოხდეს? ის აღარ არის!“, - წერს მედესანტეს მეუღლე სოციალურ ქსელში 24 აგვისტოს.

თავად ანტონ კოროლენკოს სოციალური ქსელი გაუქმებულია.

შეგახსენებთ, რომ 24-25 აგვისტოს მედიაში გაჟონა ინფორმაციამ მედესანტეების ,,საიდუმლო დაკრძალვის“ შესახებ. ნათესავები და ოფიციალური სტრუქტურები მათი გარდაცვალების შესახებ სდუმან. ხოლო საფლავებზე მითითებულია დაღუპვის თარიღი - 20 აგვისტო. ჟურნალისტების მოკვლევის შედეგად დადგენილია, რომ დაღუპული მედესანტეები ბოლოჯერ სოციალურ ქსელში შემოვიდნენ 16 აგვისტოს. სულ უკანასკნელი ინფორმაციის თანახმად, 76-ე დივიზია ,,საბრძოლო ამოცანების წარმატებით შესრულებისა და პირადი შემადგენლობის გმირული მოქმედების გამო“ დაჯილდოებულია სუვოროვის ორდენით. ამასთან დაკავშირებით, თავდაცვის უწყების მეთაური სერგეი შოიგუ სპეციალურად ჩავიდა ფსკოვში.