პუტინი მინსკში სიმბოლური ფრაზებით შემოიფარგლა, რადგან არ სურდა რამე შეცვლილიყო

მსოფლიო - 21:05, 27 Aug, 2014

1491

დასავლეთის პრესა 26 აგვისტოს მინსკში გამართულ უკრაინა-ევროკავშირი-"ევრაზიული სამეულის" შეხვედრას ეხმაურება და მიაჩნია, რომ მიუხედავად მოლოდინისა, მან რეალური შედეგი - აღმოსავლეთ უკრაინაში მშვიდობის დამყარების გზების დასახვა არ მოუტანია, ამის მიზეზად მედიასაშუალებები იმ ფაქტს ასახელებენ, რომ ეს კრემლს არ სურს.

Die Weltის აზრით, პუტინმა კვლავ სტანდარტული და სიმბოლური ფრაზები გაიმეორა - რომ კონფლიქტი აღმოსაცლეთ უკრაინაში უნდა გადაწყდეს მშვიდობიანი, დიპლომატიური გზით. ეს პროტოკოლური ფრაზებია, რადგან სწორედ პიტინის ბრძანებით მარტის თვიდან დღემდე გრძელდება აღმოსავლეთ უკრაინაში სამხედრო ტექნიკლისა და ცოცხალი ძალის შესვლა რუსეთის ტერიტორიიდან.
გაზეთის აზრით, "თუ შეწყდება პროვოკაციები და იარაღის მიწოდება ტერორისტებისათვის, დონბასელი ბოევიკები დამარცხდებიან, ეს კიდევ პიტინის მარცხია, ამის უფლებას ის საკუთარ თავს არ მისცემს. ამიტომაც შემოფარგლა ის სიმბოლური ფრაზებით."

ანალოგიურ აზრს ანვითარებენ The New York Times-ი და The Guardian-ი. "პუტინი და პოროშენკო შეხვედრისას ვერ გადავიდნენ ომის გზიდან მოლაპარაკებებზე. პუტინის სიტყვებით, მათ მოილაპარაკეს "ნდობის გარემოს ჩამოყალიბებაზე" და ახალ "ჰუმანიტარულ კოლონაზე". გარდა ამისა როგორც ჩანს, პუტინს სურს თავისებურად გადააკეთოს უკრაინა-ევროკავშირის ასოცირების ხელშეკრულება. მაგრამ მას არ უთქვამს, რომ შეხვედრაზე ცეცხლის შეწყვეტის შესახებ იყო საუბარი. პუტინი კმაყოფილია, მას არ უნდა მშვიდობა."