ვლადიმერ პუტინისა და პეტრო პოროშენკოს შეხვედრებს პოზიტიურად აფასებს ბელორუსის პრეზიდენტი ალექსანდრ ლუკაშენკო. იგი მოლაპარაკებებს სწორი მიმართულებით გადადგმულ ნაბიჯს უწოდებს.

ლუკაშენკომ პრესკონფერენციაზე განაცხადა, რომ რუსეთ-უკრაინის ურთიერთობებში ახალი ფორმატი იქმნება, რომლის მთავარი ტრიბუნაც მინსკი გახდება.

„რა თქმა უნდა ყველა ჩვენგანს გვინდა სწრაფი და ფუნდამენტური გადაწყვეტილებები სისხლისღვრის შეჩერების მიზნით, თუმცა, დღევანდელი შეხვედრა უკვე დიდი წარმატება და სწორი მიმართულებით გადადგმული ნაბიჯია. დღევანდელი საუბრები არ იყო იოლი, თუმცა, კარგია, რომ დიალოგი შედგა. გასაგებია, რომ მხარეების პოზიციები ერთმანეთისგან განსხვავდება, თუმცა, ყველა შეთანხმდა, რომ კომპრომისი უნდა მოიძებნოს და საჭიროა დეესკალაცია“, - განაცხადა ლუკაშენკომ.