მინსკში რუსეთისა და უკრაინის პრეზიდენტების შეხვედრა დაახლოებით ორი საათი გაგრძელდა. შეხვედრა დახურულ კარს მიღმა მიმდინარეობდა. შეხვედრის შემდეგ უკრაინის პრეზიდენტმა ჟურნალისტებისთვის კომენტარი გააკეთა:

„სამშვიდობო გეგმის იდეას საბოლოოდ ყველამ გამონაკლისის გარეშე დაუჭირა მხარი. ჩვენ კი ხაზი გავუსვით იმას, რომ პირველ რიგში შეთანხმებას უნდა მივაღწიოთ უკანონო ბანდფორმირებების მიერ მძევლად აყვანილი უკრაინელების გათავისუფლებაზე. ამისთვის დაუყოვნებლივ უნდა დაიწყოს ცალმხრივი საკონტაქტო ჯგუფის მუშაობა. ჩვენ განვაგრძობთ კონსულტაციებს ცეცხლის შეწყვეტის მიზნით, რაც შეიძლება მალე უნდა მოხდეს და ის ეუთოს მორიტონინგის მისიამ უნდა გააკონტროლოს, ცეცხლის შეწყვეტა აუცილებლად ორმხრივი უნდა იყოს“, - განაცხადა პოროშენკომ.