,,ნიუპოსტი“ უცვლელად გთავაზობთ ,,რადიო თავისუფლების“ სომხური გამოცემის მიერ მომზადებულ სტატიას.

,,სომხეთში ახალ, დიდი სიმძლავრის თბოელექტროსადგურს ნაკლებადცნობილი კომპანია Anaklia IEP Holding-ი ააშენებს, ხოლო მის მიერ წარმოებულ ელექტროენერგია კი საქართველოს მიეწოდება. ამის შესახებ სომხეთის ენერგეტიკისა და ბუნებრივი რესურსების მინისტრმა ერვანს ზახარიანმა განაცხადა.

ეს განცხადება მინისტრმა Anaklia IEP Holding-თან შესაბამისი ხელშეკრულების ხელმოწერის შემდეგ გააკეთა, რომელიც საქართველოს პრემიერმინისტრის ირაკლი ღარიბაშვილის ერევანში ვიზიტის ბოლო დღეს მოხდა.

ხელშეკრულების "ძირითად პირობებს" ხელი სომხეთის მთავრობის მიერ მისი ოფიციალურად დამტკიცების შემდეგ მოეწერა. მთავრობის წარმომადგენლებმა განაცხადეს, რომ Anaklia IEP Holding ჩადებს დაახლოებით 600 მილიონი დოლარის ინვესტიციას თბოელექტროსადგურში, რომელიც სომხეთში ჯერჯერობით გაურკვეველ ტერიტორიაზე აშენდება. ელეტროსადგურს ექნება General Electric-ის 540 მეგავატიანი ტურბინები.

სომხეთის მინისტრმა ასევე განაცხადა, რომ სანაცვლოდ სომხეთი ელექტროსადგურს მიაწვდის, ჯერჯერობით გაურკვეველი ინვესტორისგან დაბალი ფასად მიღებულ ბუნებრივ აირს, რაც გააადვილებს წარმოებული ელექტროენერგიის ექსპორტს.

ხელმოწერის ცერემონიაზე, რომელსაც მედიის ძალიან ცოტა წარმომადგენელი ესწრებოდა, ზახარიანმა მხოლოდ ის დაადასტურა, რომ საქართველო იქნება ელექტროენერგიის ძირითადი მიმღები და რომ მშენებლობა ძალიან მალე, 3 წელიწადში დასრულდება. ეს სიტყვები სომხეთის ოფიციალურუ სააგენტოს - "არმენპრისის" მიერ იქნა გავრცელებული. სხვა დეტალებზე ინფორმაცია არ გავრცელებულა.

გაურკვეველი რჩება ვინ არის Anaklia IEP Holding-ის მფლობელი და რატომ გადაწყდა თითქმის უცნობი კომპანიის ამ მასშტაბისა და მოცულობის ენერგოპროექტის განხორციელებაში მონაწილეობა. სომხეთის ოპოზიციური სააგენტოს ilur.am-ის ცნობით, კომპანია Anaklia IEP Holding ეკუთვნის ქართველ ბიზნესმენთა ჯგუფს და დარეგისტრირებულია ბრიტანეთის ვირჯინიის კუნძულებზე - ე.წ. "გადასახადების სამოთხეში".

საინტერესოა, რომ ანაკლია არის ქართული შავიზღვისპირა ქალაქი, სადაც საქართველოს მთავრობა გეგმავს ააშენოს ახალი პორტი, გათხევადებული ბუნებრივი არის ტერმინალებით.

Anaklia IEP შესაძლოა მოიხიბლა რუსული ბუნებრივი აირის დაბალი ფასით, რომელსაც სომხეთი რუსეთიდან საქართველოს გავლით იღებს. სომხეთის მთავრობამ ფასდაკლება მას შემდეგ მიიღო, რაც შარშან სადაო გადაწყვეტილება მიიღო, სომხეთის ე.წ. "ევრაზიულ საბაჟო კავშირში" გაწევრიანების შესახებ, რომლის წევრებიც რუსეთი ბელორუსი და ყაზახეთია.

ხელშეკრულების წინასწარი ხელმოწერა მოხდა მეორე დღესვე, რაც ზახარიანი ქართველ კოლეგას, კახა კალაძეს შეხვდა, რომელიც საქართველოს ოფიციალურ დელეგაციაში შედიოდა, რომელიც ღარიბაშვილს ახლდა თან. ხოლო ხელშეკრულების შესახებ ოფიციალურად გამოცხადდა მას შემდეგ, რაც ღარიბაშვილი სომხეთის პრემიერს, ოვიკ აბრამიანს ესაუბრა და გაცხადდა ორი მთავრობის სურვილი ახალი ქართულ-სომხური ენერგოურთიერთობის გაღრმავების შესახებ.

ზახარიანმა და კალაძემ თავის გამოსვლაში დაადასტურეს ეს განცხადება პირისპირ შეხვედრის დროს. ზახარიანის პრესსამსახურის განცხადებით, ორ მეზობელ ქვეყანას შორის ელექრეოენერგიის გაცვლა სამჯერ მეტად გაიზრდება 2018 წლის შემდეგ, როცა ეს ახალი ხაზი ამოქმედდება“, - წერს გამოცემა.