პენტაგონი: რუსეთი აგრძელებს ტერორისტებისთვის ტანკების, ჯავშანტრანსპორტიორების და „ბუკების“ მიწოდებას

მსოფლიო - 17:54, 26 Aug, 2014

2219

რუსეთის ხელისუფლება აგრელებს დონბასში დიდი ოდენობით მძიმე შეიარაღების შეტანას და უკრაინული არმიის პოზიციებზე შეტევას.

ამის შესახებ აშშ-ს თავდაცვის სამინისტროს პრეს-მდივანმა სტივენ უორენმა განაცხადა.

„ მე შემიძლია დავადასტურო , რუსული მძიმე ტექნიკის მრავალრიცხვოვანი კოლონების გადაადგილება, რომლის შემადგენლობაში შედის ტანკები, ჯავშანტრანსპორტიორები, სარაკეტო დანადგარები,საჰაერო თავდაცვის სისტემები და სხვა მძიმე შეიარაღება,“ -განაცხადა მან და აღნიშნა რომ რუსეთიდან უკრაინაში გადასროლილ მძიმე ტექნიკის შემადგენლობაში ასევე შედიოდა საზენიტო-სარაკეტო კომპლექსი „ბუკი“.

უორენის განცხადებით მას არ შეუძლია იმ ტექნიკის ზუსტი რაოდენობის დასახელება, რომელმაც საზღვარი გადაკვეთა.

პენტაგონის პრეს-მდივნის განცხადებით ეს ფაქტები ადასტურებს იმას, რომ რუსეთი მოქმედებს სრულიად განსხვავებულად იმისგან, რასაც ლაპარაკობს, რაც დიდ შეშფოთებას იწვევს.

„ ჩვენ კიდევ ერთხელ მოვუწოდებთ რუსეთს დაუყონებლივ შეწყვიტოს უკრაინაში სეპარატისტების მხარდაჭერა და დაიწყოს კონფლიქტის მშვიდობიანი გზით მოგვარებისთვის მუშაობა“- განაცხადა უორენმა