ვლადიმერ პუტინი და პეტრო პოროშენკო ერთმანეთს ხვალ საბაჟო კავშირის სამიტის ფარგლებში შეხვდებიან. თუმცა, ამ დრომდე უცნობია შედგება თუ არა მათი ორმხრივი შეხვედრა.

როგორც ვლადიმერ პუტინის პრესმდივანმა დიმიტრი პესკოვმა „კურიერთან“ სატელეფონო საუბრისას განაცხადა, რუსეთის მხარე ძალიან არის დაინტერესებული ამ ორმხრივ შეხვედრაში და ისინი ამ შეხვედრისათვის ემზადებიან.

ხვალ კი მინკსკში პირველი სწორედ უკრაინის პრეზიდენტი პეტრო პოროშენკო ჩაფრინდება.

მინსკის მოლაპარაკებების ერთ-ერთი მთავარი თემა უკარაინის აღმოსავლეთ რეგიონებში შექმნილი ჰუმანიტარული ვითარება იქნება.

უკრაინისა და რუსეთის პრეზიდენტების შეხვედრამდე ერთი დღით ადრე ცნობილი გახდა, რომ ოფიციალური მოსკოვი ლუგანსკში მოირგი ჰუმანიტარული ტვირთის გაგზავნას აპირებს.

კოლონა წინა მისიის მარშრუტს გაიმეორებს და უკრაინის მიმართულებით კვირის ბოლომდე დაიძვრება.

ნინა შადური