მარში მიზნად ისახავდა უცხოეთში მცხოვრები საქართველოს მოქალაქეებისათვის არჩევნებში მონაწილეობის მიღების შესაძლებლობის შეზღუდვის გაპროტესტებასა და საქართველოში ინფორმაციის ხელმისაწვდომობის განვითარებას (მარშის მონაწილეებმა საქართველოში ჩაიტანეს სატელიტური ანტენები და მარშის გზაზე შეკრებილ საქართველოს მოქალაქეებს დაურიგეს). სამწუხაროდ მიუხედავად ჩვენი პროტესტისა ჩვენი გულისტკივილი არ გაიზიარე არც იმ დროინდელმა მმართველმა პარტიამ, არც იმ დროინდელმა საგარეო საქმეთა და დიასპორების მინისტრებმა და არც საარჩევნო ადმინისტრაციამ. ერთადერთი ძალა, რომელიც მიესალმა ჩვენს ინიციატივას და გულთბილი დახვედრა მოგვიწყო, იყო ბიძინა ივანიშვილი და "ქართული ოცნება".

ალბათ, სწორედ ამან განაპირობა ის შედეგი რომელიც ქართულმა ოცნებამ მიიღო საზღვარგარეთის საარჩევნო უბნებიდან (რომ არა ავღანეთისა და ერაყის სამხედრო კონტინგენტებში გახსნილი დაურული უბნები ქართულმა ოცნებამ მიიღო 80%) და გაიმარჯვა არჩევნებში. დღეს საქართველოში შეიქმნა საკმაოდ საორჭოფო პოლიტიკური სიტუაცია ერთის მხრივ დღევანდელი ოპოზიცია საუბრობს პოლიტიკურ დევნაზე და მეორეს მხრივ უმრავლესობა საუბრობს სამართლიანობის აღდგენის საკითხზე. სწორედ ამ არამარტივი პოლიტიკური სიტუაციიაში გარკვევის მიზნით "ემიგრანტთა მარშის" მონაწილეთა მიერ დაფუძნებულმა არა სამთავრობო ორგანიზაციამ "მე დავბრუნდები" და ამ მარშის ორგანიზატორებმა საბერძნეთიდან და თურქეთიდან გადავწყვიტეთ კიდევ ერთხელ შევიკრიბოთ "დედა ენის" ნბაღში 2012 წლის 27 დეკემბერს და დავაფიქსიროთ ჩვენი პოზიცია საქართველოში მიმდინარე პროცესებისადმი. კერძოდ ვთვლით რომ საქართველოს ნორმალური დემოკრატიული განვითარებისათვის აუცილებელია:
1. საქართველოს მთავრობამ მიიღოს ყველა საჭირო ზომა რათა არცერთი დამნაშავე არ დარჩეს დაუსჯელი მგრამ იმავდროულად გააკონტროლოს რომ სამართალდამცველების მხრიდან არ მოხდეს გადაცდომები
2. საქართველოს პრეზიდენტმა დაიცვას საქართველოს კონსტიტუცია და არ ისარგებლოს კონსტიტუციაში არსებული კაზუსით, შესაბამისად მან დაათავროს საკუთარი საპრეზიდენტო მმართველობა 2012 წლის 5 იანვარს.
3. უმრავლესობამ და უმცირესობამ პატივი სცეს საქართველოს მოქალაქეთა არჩევანს და გააგრძელონ საკანონმდებლო მუშაობა
4. ასევე მოვუწოდებთ საქართველოს მთავრობას დაუყონებლივ დაიწყოს ემიგრაციის წინააღმდეგ მიმართული საარცევნო დარღვევების დაუყონებლივი გამოძიება.

მოვუწოდებთ ყველა საქართველოში მყოფ ყოფილ თუ ამჟამინდელ ემიგრანტს, ემიგრანტების ოჯახის წევრებს 2012 წლის 27 დეკემბერს 13 საათზე მოვიდნენ „დედა ენის“ ბაღში და ერთად ავღნიშნოთ „ემიგრანტთა მარშის“ 100 დღე."- ნათქვამია განცხადებაში.