ციხის ბუნტი ბრაზილიაში - ადგილობრივი პოლიციის ცნობით, ქალაქ კასკაველში მდებარე სასჯელაღსრულების დაწესებულებაში მოკლულია ოთხი და დაჭრილია კიდევ რამდენიმე ადამიანი.

გავრცელებული ინფორმაციით, ორ ადამიანს თავი მოკვეთეს, დანარჩენები კი ციხის სახურავიდან გადმოაგდეს.

ადგილობრივი პრესის ინფორმაციით, ბუნტში 1000-მდე პატიმარი იღებს მონაწილეობას, რომლებიც თითქოსდა უკმაყოფილო არიან ციხეში არსებული პირობებით. თუმცა, როგორც ექსპერტები აღნიშნავენ, ძალადობა, სავარაუდოდ, ნარკოტიკებით მოვაჭრე დაჯგუფებებს შორის არსებულ უთანხმოებას უკავშირდება.

შეგახსენებთ, ბრაზილია პატიმართა რაოდენობის მიხედვით მსოფლიოში მეოთხე ადგილს იკავებს.

ნინა შადური