გერმანიის კანცლერს ეჭვი ეპარება, რომ ვლადიმერ პუტინისა და პეტრო პოროშენკოს შეხვედრა წარმატებული იქნება.

ერთ-ერთი გერმანული ტელეკომპანიის ეთერში ანგელა მერკელმა განაცხადა, რომ აღნიშნული შეხვედრა მნიშვნელოვან წინსვლას ვერ გამოიწვევს.

ამასთან, გერმანიის მთავრობის მეთაურმა აღნიშნა, რომ აუცილებელია პოლიტიკური დიალოგი. მერკელი თვლის, რომ აღმოსავლეთ უკრაინაში შექმნილი მდგომარეობა მხოლოდ მშვიდობიანი გზით უნდა მოგვარდეს.

მერკელის თქმით, ის მხარს უჭერს უკრაინის ერთიანობას, თუმცა კიევის პოლიტიკა არ უნდა იყოს საზიანო რუსეთისთვის.

ნინა შადური