ტერორისტებმა ტყვე უკრაინელების დაპირებული აღლუმი მოაწყვეს (ფოტო ვიდეო)

მსოფლიო - 16:20, 24 Aug, 2014

4865

ტერორისტებმა დონეცკის ცენტრალულ ქუჩაზე, ლენინის მოედნის გასწვრივ ტყვე უკრაინელები ჩაატარეს. მათი რიცხვი 100-მდე იყო. ტყვეებს ხელები შეკრული ჰქონდათ და ავტომატიანი ტერორისტების თანხლებით მიდიოდნენ.
ჯერ კიდევ გუშინ ვრცელდებოდა ინფორმაცია, რომ ტერორისტები აპირებდნენ უკრაინის დამოუკიდებლობის დღეს უკრაინელი ტყვეების აღლუმის გამართვას.
ინფორმაცია ამის შესახებ უკრაინელი ჟურნალისტი ეკატერინე სერგაცკოვა სოციალურ ქსელში ავრცელებდა. ჟურნალისტის სიტყვებით, ვრცელდება ინფორმაცა, რომ აღლუმის იდეა ტერორისტს გუბარევს ეკუთვნის, თუმცა ჟურნალისტი ამბობს, რომ სხვა წყაროს ინფორმაციით, ეს მოსკოვის დაკვეთაა.

“დღეს დონეცკში გაავრცელეს ინფორმაცია იმის შესახებ, რომ უკრაინის დამოუკიდებლობის დღეს აპირებდნენ ჩაეტარებიათ უკრაინელი სამხედრო ტყვეების აღლუმი. გაატარებდნენ მათ ქალაქის მთავარ ქუჩებში: მოდით, შეხედეთ ფაშისტებს. სიმართლე გითხრათ, ბოლომდე მეჯერა, რომ ეს მორიგი ტყული იყო, რომელსაც ალბათ მერე ვიღაც უარყოფდა. მაგრამ არა. ამ ტვინით ავადმყოფებმა თქვეს, რომ აღლუმი შედგება. თანაც ტერორისტები ამბობენ, რომ აღლუმის ჩატარების იდეა გუბარევს ეკუთვნის, ხოლო სხვა წყაროები კი იუწყებიან, რომ დაკვეთა პირდაპირ მოსკოვიდანაა. მე სიტყვები არ მყოფნის. დეა, დაიწვან ჯოჯხეთის ცეცხლში. ტვინისგან მათ მხოლოდ სისხლი აქვთ დარჩენილი”, - წერდა ჟურნალისტი.